Chränzli

FOTOS Vorstellung

FOTOS Freitag

FOTOS Samstag

Ja so lang vorbereität, studiert, erprobt, güäbt, gschaffet, witz zämägstellt, kostüm usgsuecht, di noi Location aglueget, usgmässä, di ideali durchfüärig durestudiert, iigrichted, tombola priise gsammlet, getränke und zässe iikauft, liecht ufghänkt, musig installiert, bänk ufgstellt, dekoriert, kochet, gschaffet, vortanzed, Lösli verchauft, Grät uf und ab dr Bühni gschleppt, zude musig idä bar tanzed, shuttle Bus gfahre und und und…
Aber husch nacheme Weekend isches schowidr verbii gsi und blibe dünd eim wideremale di vile Erinnerige mit Missgschick, glungene Aktione, villne Lüüt womer widr troffe het, s g Gfühl vom Erfolg, dasmer au im Föri het äs Crhänzli chöne ufd Bei stelle und dasmer halt ebe eifach n super Verein sind;) chli Eigelob dörf doch scho sii odr?

Danke allne wo mitghulfä händ, dass alles klapet het und mir au im 2007 es super Chränzli gha händ!

Ja, wer nöd go luege cho isch – sälber gschuld! Händ alli ufdä Chrüzschifffahrt (haha! 3 f) ire Spass gha und nois uf dä Bühni zeigt. D Kunsturnerinne sind mitere Akrobatik Nummere igstige und händ ois so an Bord willkomme gheisse. Mitere spirituelle Morgegymnastik hät ois dänn dä roti Fade uf d Männerrige vorbereitet und die händ ois dänn mit irere Fitness-Show total überrascht! Di chlii Meitlirige het flissig mit überdimensionale Ässware schongliert und im Maschineruum sind GELA Buebe ums Hochreck odr über d Bodebahn gwirblet. Dä Landusflug is tüüfe Afrika het ois einersiit zeigt, wie naiv mir Touris doch immer widr sind… und anderersits dass so Körperbemalig und Baströckli au ire Reiz händ… Ja wiiter händ sich dänn d Grätturnerinne am Pool gräklet und Handküssli verteilt. Womer dänn au scho bi sexy aglanget sind chömed mer grad mal zude zweite TV Dame
Vorfüärig… Mer chönt jetzt striite ob dä Kaptain in Violett meh Sexappeal het als oisi Lady's in wiss… Wie mä sich im Beautysalon am bestä zeigt händ ois di grosse Meitliriegegirls perfekt darbote und wänn mä dän scho so ufgstilet isch dänn chan mä zum Schluss na husch sini Tanzpartnerin durd Luft wirblä und dän n super Tango ufs Parkett lege…
Ja und wer das agmacht het isch denn natürlich sälber goges Tanzbei schwinge odr het sich i de Bar zu sim drink rhythmisch bewegt;)

Bis nächst Jahr mit gnau so vill Elan widr im Singsaal z Wininge!