Frühlingsfest

FOTOS

Eigentlich spräched ja d Bilder für sich sälber… aber für all die wo nöd ume gsi sind musmä mal widr dokumäntiere… (sälber cho s nächst mal!!!) jänu dänn probier ich das ez mal.

Dä Ralph hät eh scho di ganz Ziit es mega sch… Grinse im Gsicht gha, wäns ums Früäligsfäscht gange isch… s het ja chönä sii, dases wäg dene „speziellä Händschä“ isch, womer müänd mitne… aber das isches nöd gsi. Ois isch öpis vill vill bessers bevor gstande und zimli all händ drum wol bim Apero au chli meh zueglanget we süsch…
Aber vo Afang a:

1. Gruppebildig
2. Uftrag
3. kreativi Gruppearbät
4. Präsentation
5. Baaaaaaaaaaaaaaaaaaaaaar

S Thema isch Karaoke gsi und ja… wän ich s OK06 gsi wär het ich mich au scho di längst Ziit gfroit, dänn si müänd ja nöd singe… (ev au besser so…)

Jedes Grüppli hät 3 Lieder zur Uswahl becho und hät (anschinend nöd nur eis sondern) 2 Lieder dävo müäsä ussueche, die kreativ umsetztä und dänn vorträge…
Oises OK isch d Jury gsi und hät vomä 3 (Höchstnote) bis zu „leider Nein“ Notene verteilt…

Vo Tina Turner mit Fuchsschwanz über halb entblösti Surfer, d Abba-Hippi-Bob Marley-Crew, VMCA, sich am alte Ackergrät sich aschlagendi Cowboygirls, Füürwehrmannä und TeamAerobic Ahimmler hets schlussändlich alles gä… Aber ebe… da säged d Föteli wol meh us, we wänn ich da ez ä detaillierti Doku würd abge…

Nach all dem villä Gschrei wo wohl einigi Trummälfällschädä hervorgrüäft hät isch dänn na d Händschepremierig cho… Jedes OK Mitglied hät n Händschä usgsuecht, wonem bsunders gfalle hät und die händ dän äs Fläschli Wii becho… und  s wär so schön, wäns das ez gsi wer… aber nei! Eigentlich hetti ja s OK08 sölä usgloset werde… aber nach dä dumme Frag: „wett sich öpert freiwillig mäldä“ händ irgende es paar vodä Händschegwünnder gfunde si heged das sowiso abgmacht dass is OK weläd (?????????????) und jaaaa… schlussändli sind zimli all die wo ä Fläsche Wii gwunne händ nachene im OK gsi… wie au immer… ich hans nöd ganz gschnallt wies so cho isch aber s isch ez halt so.

OK 2008: Marion Haug, Marianne Hodel, Thomas Mattle, Claudia Koch, Nati Zatti