Spitzenleichtathletikmeeting in Luzern

FOTOS

Wo bi mir s’telefon glüütet hät und ich vo swiss athletics en startplatz aabote übercho han für s’ internationale meeting am 16.Juli in luzern bini grad mal chli nervös worde!

Dänn am Wettkampf sälber bini nöd nervös gsi und han’s eifach nur gnosse mit de wältbeschtä Stabspringerinne dörfe z’springe! Es isch es mega Erläbniss gsi, obwohl ich mis Ziel vo 4meter knapp nöd erreicht han. A derä stell er riesigs Dankeschön a alli Fäns wo äxtra uf Luzern cho sind zum mich aafüreJ, ihr sind super!

3 Täg spöter, am swiss meeting in Bern hani di nächscht Chance gha di 4m z’knacke… d’Verhältnis sind alles andere als optimal gsi, de Wind hät vo allne mögliche Siite blaset.

Trotzdem isch einiges uufgange und ich han di 4 meter grad scho im erschtä versuech packtJ!
Das heisst PB-verbesserig um wiiteri 10cm und als 5. schwiizerin überhaupt über 4 meter gsprunge!

Bi 4.10 häts timing dänn nüme so guet passt, aber ich han ja jetzt na 2 Wuche Ziit bis zur SM in Fribourg und dänn hoffi uf e wiiteri Steigerig will:„Höheluft“ tuet schaurig guet;-)