GV im Föhrewäldli, 29. Januar 2010

FOTOS

Vill stat das Jahr a und vill sind au liecht nervös gsi vor dä Generalversammlig 2010.  Au dä Präsidänt Moritz Lüthi, dänn das wird isch sini letschti GV si. Er wird dä Präsi nach sächs Jahr wiiterge.  Mit ihm verlönd au d Kassiererin Stefanie Schweizer und d Jugendturnkommission Präsidentin Michèle Frei dä Vorstand. Somit gits ä rächti Rochade und neus Bluet id Vorstandsgruppe.

Dä Köbi Haug jun. übernimmt neu, exakt 40 Jahr nach sim Vater dä Turnverein Präsident.
Vizepräsident wird dä Roman Beer, oise ehemalig Horntäger.
Als Kassiererin stellt sich d Jolanda Rhyner zur Verfüägig
Und d Marina Birrer tritt s grosse Amt vo dä JUKO Präsidentin a.
Zäme mit dä bisherige Mitglieder: Oberturnerin Martina Müller, Aktuarin Claudia Koch und Öffentlichkeitsarbät Nati Zatti isch dä Vorstand wider komplett.

Dä Moritz Lüthi isch als Dank für sini villi Arbet als TV Präsi und au für die sächs Jahr als JUKO Präsi  zum Ehremitglied gwählt worde.

Aber au wiiteri Jubiläum häts z fiire ge:
Foif neui Mitglieder dörfed mer begrüässe.
Reto Fritschi, Jeanine Hoppler, Sandra Haberthür, Michi Vogler und dä Flamur Shehi

Fähnrich: Thomas Solenthaler
Hornträger: Reto Fritschi, Janine Hoppler
Ehrernhornträgerauszeichnung: Roman Beer

30 Jahr Aktivmitglied: Roli Grob
25 Jahr Aktivmitglied: Werner  Ehrsam und Martin Hoppler
20 Jahr Aktivmitglied: Marianne Hodel und Thomas Mattle
15 Jahr Aktivmitglied: Martina Müller und Marina Jenni
10 Jahr Aktivmitglied: Nicole Leemann und Michèle Freitag

10 Jahr fliessige Turnbsuech: Marion Haug

Des wiitere händ mir ois für neui Turngwändli, sowie Trainer und Liibli, etc entschiede, da di alte mittlerwiile usgange sind und mä gseht, dass si 10 Jahr ufem Buggel händ.

Es grosses Thema isch au d Vorstellig vode Bewerbig fürs Turnfäscht 2015 gsi, wo mir z Winige wänd durefüäre. Sogar ä Delegation vom TV Urdorf isch ois go asporne und wür sich freue, wänn mir das durefüäre würdet. Also Dume drucke bitte!

Im ganze ä glunigi Generalvesammlig, dänn au d Rückblick ufs Jahr händ vill positivs bracht, da d Turnerinne und Turner würklich starchi Leistige ide Saison bracht händ und mer hoffed all uf ä Fortsetzig.

Am noiä Präsi alles, alles Gueti und dä alt Präsi bhalted mer natürlich witerhin hoffentlich na lang im Verein.