Trainingsweekend in Willisau, 7./8. Mai 2011

FOTOS

Besser chan mers ächt nöd plane. Scho am Morge isches zimlich warm gsi und mer händ ois uf es sunnigs Wuchenend dörfä froiä.

Gstarted mitm gmeinsame Iiturne, gleited vom Jürg händ mer hois i gmüätlichem Tempo warm gmacht. Dänn isch dä ganzi Morge trainiert worde. Segs im Aerobic, dä Grätsektione oder ide Liechtathletik. Die warme Sunne händ mer über dä Mittag dörfe s Ässe gnüsse. Während di einte nachli gsünnelet händ sind di andere ihres alljährliche Minigolfturnier go spile oder uf dä dicke Matte es Schlöfli go mache. Nachene ischs Programm zackig wiiter gange, bis mer am Abig under di wohl verdienti Duschi händ dörfe. Und ja, chalt dusche isch erfrischend aber nur wänn mers sich sälber istellt… Mit dä Erfahrig, dass vili Fraue dä gliichi Liibligschmack händ sind mer is Willisauer Städli goge Znacht ässe und dänn wiiters gmüätlich eis, zwei go zieh.

Au am Sunntig isches nöd weniger asträngend gsi als am Samstig und all händ sich scho uf di ominösi Schlusslektion „gfroit“ Zum mal all chli a di persönlich Gränze z schicke händ mer all en 800m Lauf „dörfe“ absolwierä. Mit weh oder weniger Widerstand und meh oder weniger Motivation sind all an Start und au all am Schluss zwar extrem Ko aber halt ebe doch stolz uf sich sälber.

Nachem Uustrune vom Jürg händ sich dänn all langsam uf dä Heiwäg gmacht und sind zum Abschluss bim Wisätääli Haug na as Jazz Brot und Wii goge astosse.