Chränzli 2011
"Sprichwörtlich" Isch s Thema vom disjährige Chränzli gsi... Neu isch "Klein aber Oho" s Chinderturne debi gsi und isch als Schlümpf ufträtte. Dass "Mogestund hat Gold im Mund" würkli lässig chan sii, hät di chlii Meitlirige mit irem Fitnessuftritt zeiget. Au d Grätturnmeitli händ gekonnt iri Sprüng zeiget, sowie en Piratetanz passend zum Thema "Die Ratten verlassen das sinkende Schiff". "Wer schön sein will muss leiden" händ d Kunstturnerinne mit wer gut sein will muss trainieren umgsetzt und zeigt, wie sie sich graziös ufm Balke bewege chönd. Wiiter ischs mit dä grosse Grätturnerinne gange, wo ois mit "Reden ist Silber, Schweigen ist Gold" e ruhigi aber wunderschöne Stufäbarre Uffüärig zeigt händ. Zackig, sprützig und mit vill Body sind dänn d GeLa Jungs mit Spickbode und Trampolin über d Bühni turnt. Dänn "selbst ist der Mann" und zeigt, was er kann... Im Stress, will "Zeit ist Geld" sind d Turnverein Fraue über d Bühni tanzed und händ e zackigi Aerobic Nummere anegleit. Gar nöd träg sind di Grosse Meitliriige Meitli ufträte. Mit irem Titel "Nur tote Fische schwimmen mit dem Strom" händs mit Fisch, Farb und Form iri Nummere ufpeppt. Zum Schluss isch na zwei Mal dä gmischti Turnverein ufträte. "Es ist noch kein Meister vom Himmel gefallen" und drum sinds au Minitramp gsprunge und natürlich versuecht zimli nöch a Meistersprüng anezcho. Dä zweiti Mix-Tanz hät d Tanzkünscht vo Manne, Fraue und Paar zeigt passend zum Thema "Gegensätze ziehen sich an".
Au im rote Fade häts einigi Änderige ge. Mitem Reto Fritschi und em Remo Jenni sind zwei noi-i Team Mitglieder dezue cho und händ grad vo Afang a Volgas ge und das Team super ergänzt. Nach zäh Jahr Chränzlibüünä Presänts het sie sich verabschidet und wird nächst Jahr (hoffentlich) als Zueschauerin am Chränzli teilnäh chöne.
